Waxaan kusoo arkey soo dhaweyntii madaxweynaha. W/Q Mukhtaar Geedi

Madax-wene Xasan SH Max’ud ayaa sida muuqatay markii uu magaalada Minneapolis yimid waxaa si istikhyaar ah so dhoweyntiisa ugu soo baxay jaaliyadda Soomaaliyeed ee ku dhaqan magaalooyinka mataanaha ah ee St. Paul iyo Minneapolis, iyadooo waliba ay nimanka u qaabilsanaa soo dhaweynta ay aad u qariyeen xogta la xiriirtay qaabka ay u dhacayso booqashada madax-weyne Xassan, waxayna hab waqtiyeedkiisa (schedule-kiisa) intuu joogo la socodsiiyeen dad yar oo sababo gaar ah ula xiriireen, taasi waxay keentay in dad-weynihii soo doweyn lahaa aysan ogaan soo geliddiisii magaalooyinka mataanaha ah waxaana gigada ku qaabilay dad aad u kooban oo ay soo sooceen nimanka soo dhaweynta u qaabilsan madax-weynaha ee kamid ahaa jaaliyada Soomaalida ee Minnesota.

Waxaa iyadana yaab ila lahayd oo meel ka dhac weyn ku ahayd madax-weynaha maamuuskiisa in Qabanqaabiyaasha soo dhaweynta madax-weynaha ay u shaqayniyeen sidii dad feejignaan ka qaba bulshada qaar iyagoo ku kala soocayay dadka hab aan ahayn mid xirfadeed laakiin salka ku hayay qaab aan wanaagsanayn oo run ahaantii aad uga fog xirfadda (Professionalism) iyo hab maamuuska loogu adeego maqaam madax-weyne.

Waxaa dadku qaarkii rumaysnaayeen ama la ahayd in madax-weyne Xasan SH Max’ud uusan la socon qabyaaladii agagaarkiisa ka socotay, waxey dadku arkayeen iyada oo dad gaar ah oo dhalinyaro ah sidii in ay kamid yihiin xafiiska madaxweynaha loo gudbinayey dhanka danbe oo ay fadhiyeen madaxda Dowlada Soomaaliya.

Waxaa xusid mudan in dhammaan dadkii mas’uulka ka ahaa hab maamuuska madax-weynaha intii uu booqanayay Minnesota ay si toos ah u horistaageen oo waajibaadkoodii ka gudan waayeen sawir qaadayaashii, iyo film qaadayaashii saxaafadda, waxayna fursad qaas ah siiyeen oo keliya dad yar oo sabab gaar ah ay ku tix geliyeen, isla markaasna ay geeyeen meeshii loogu talo galay inay martida fariisato taasoo u suuro gelisay inay barnaamijkooda siday doonaan u qabtaan.

Waxaa dhacday in qaybo muhiim ah oo ka mid ah saxaafadda Soomaaliyeed ay isaga caroodeen oo ay isaga tageen xafladdii soo dhoweynta madax-weynaha, kuwaasoo waliba war-baahintoodu aad uga tayo wanaagsanayd isla markaasna meesha ku yimid qalbi wanaagsa oo Soomaalinimo iyo dal jacayl ah halka kuwa tix gelinta la siiyay ay qabanqaabiyayaasha soo dhaweynta Madaxweynaha ku soo dhoweysteen dano gaar ah oo ay ku saleeyeen sabab gaar ah oo an macno weyn u lahayn xafiiska madax-weynaha, taasoo waliba lagu saleeyay sabab gaar oo ka baxsan shaqada hab maamuuska ee looga baahanyahay soo dhaweynta madax-weynaha.

Waxaa iyadan xusid mudan in qabanqaabiyaasha soo dhaweynta  madax-weynaha ay ardaydii jaamacadda Minnesota xubno ka mid ah ka dhigeen dadkii ka shaqayniyay madasha madax-weyne Xassan uu jaaliyadda reer Minnesota kula hadlayay iyadoo aad waliba moodo in dad gaar laga ilaalinayay inay ka mid noqdaan adeegyada lagu soo dhoweynayay madax-weynaha.

Waa ay jirtaa in xiriirinta uu waday Cawil SHire intii uusan madax-weynaha soo gelin madasha, taasina waxay ku timid dagaal ay galeen xubno ka tirsan jaaliyadda Minnesota oo ka cabsaday inay arrintu u ekaato mid maamuus ahaan aan ku quruxsanayn jaaliyadda iyo hab maamuuska dowladnimada ay jaaliyadda Soomaaliyeed ee Minnesota jeceshahay in Soomaaliya u gudubto.

Mukhraar Gedi
mukhtaargeedi@gmail.com.

Wixii ku saabsan qoralka kala xariir qoraha aragtida garka wakiil kama ahan Rajonews

Rajonews3@gmail.com

 

Leave a Reply

Your email address will not be published. Required fields are marked *

*

HTML tags are not allowed.