Shirka maamul usameynta Gobalada Jubbooyinka ee ka furmi lahaa Kismaayo oo dib udhacay+Dhageyso

Muqdisho(Rajonews)Guddiga farsamada maamul u sameynta gobollada Jubbooyinka ayaa galabta ku dhawaaqay in uu dib u dhacay shirkii maamul u sameynta gobolladaas ee la filayay in uu maalinta berri ah ka furmo magaalada Kismaayo.

Guddoomiyaha guddiga Macallin Maxamed Ibraahim ayaa ka sheegay shir jaraa’id in uu shirka dib u dhacay kaddib markii casuumaddii ka soo qeybgalka aysan ka soo jawaabin madaxda ugu sarreysa dowladda federaalka ah ee Soomaaliya oo qorshuhu ahaa in ay shirka furaan.

HALKAAN KA DHAGEYSO GUDDOOMIYAHA GUDDIGA FARSAMADA EE MAAMUL USAMEYNTA JUBBOOYINKA

Macallin Maxamed Ibraahim ma uusan sheegin waqtiga la qaban doono shirka, balse wuxuu tilmaamay in ay dib ka soo sheegi doonaan.

Guddiga farsamada ayaa dhawaan sheegay in shirka uu yahay mid maamul loogu sameynayo gobollada Jubbooyinka, looguna talagay in ay ka soo qeybgalaan  500 oo qof oo ergooyin ahj, oo isugu jira dowladda federaalka, urur goboleedka IGAD iyo dadka deegaanka.

Inkastoo shirka uu dib udhacay ayaa hadana waxaa jiray siyaasiyiin badan oo kasoo horjeeday qabsoomida shirkaasi kaasi oo ay ku tilmaameen mid shacabka Jubbooyinka kala qeybinaya.

 Rajonews3@gmail.com

Leave a Reply

Your email address will not be published. Required fields are marked *

*

HTML tags are not allowed.